情陷夜砵蘭

好(辛)的一個新年

開 學既第一個星期，同維園年宵撞到正一正，又要番學，又要睇檔做生意，仲有通頂看住d貨，捱到有少少感冒了，由於<情陷夜砵蘭>太受歡迎，年廿 七補既貨一日就賣晒，所以年廿九凌晨要趕番屋企拎回鄉証上廣州入多次貨，廣州好 凍呀..全程總算順利，好快就經皇崗番到九九龍塘，反而搭隧巴過海返維圜就狼狽左d，好彩司機大佬好人，最後都可以先後帶住d成個人咁高既貨番到




係維園擺檔，人流有一定既保證，上年去過<男歡女愛>買野既，都冇忘記過我地，個爸爸仲求我地下年一定要再擺檔，如果唔係買唔到野比佢兩個仔...









由咩都冇既竹棚變成一個維園年宵地標，好有滿足感












細哨，林柏特，謝拉特，多謝你地哦..




















有小杰同Queenie兩位Top Sales拔刀相助，
生意額多左好多，好快係夜砵蘭時段散左八成既燈串，連老外都幫襯我地!!
有幫襯過我買燈既朋友:世榮，暉，祺x3串













夜砵蘭時段



















上圖:與舒夫真高，朗拿度朗尼齊名既香港何余彬，下圖為證



用黎放cushion同休息既閣樓閣樓







企出去路中間散貨係最辛苦















拎晒轉頭好容易被人偷野..











羊群心理，一係冇人睇，一係多人到連枱都差d推lum..


別忘記我地仲有一個招牌，由黎慧妍主理




























Mandi帶埋朋友黎探班，仲一人買左一個皇冠走添，多謝晒!! 反而有d兄弟門月多前咬牙實齒話黎探班的，結果影都冇見...















呢六日不斷有人向我地個招牌問價

年初一，料半夜落左場大雨，坐係有弗布蓋住既閣樓，睇住d人比雨淋~~!!之後仲瞓左渝添








夜晚通宵看檔時，又凍又餓，咁我地就好醒咁拎d麥芽糖同梳打餅夾黎食，係隔黎再隔黎個檔張枱食，食到成枱都係麥芽糖，連天拿水都洗唔走!!!










各人既鞋都被嚴重蹂躪











大年初一既早晨特別靓!!




希望黎緊呢年可以再搞多次年宵啦....雖然可能又會短多幾年命..

2006桂林之旅

06第一擊
徒步遊漓江+龍脊梯田+少數民族生活體驗

就係睇左老爸早前買回來既書:<中國徒步穿越>,毅然就揀了最容易既一條路線,>>>
徒步漓江, 決定試著跟住走走

此路在中國徒步穿越的十大熱點當中排行第四, 全長83公里
多得Alex既加入, 行程稍為變了, 但亦領到此行程更加豐富

4Jan 香港>深圳>桂林
5Jan 桂林>龍勝>平安寨
6Jan 平安寨>田頭寨
7Jan 田頭寨>大寨>龍勝>桂林>陽朔
8Jan 陽朔>高洲村>瀑布塘>興坪
9Jan 興坪>浪石村>楊提>桂林>深圳

漓江隨處可見的都是碧秀的青山，疏密錯落，或連綿數里，或獨峰冷處於大片的田園之間，時值寒冬，流水輕柔，一路上看不完的田園美色，奇峰林立，飄著葉香的柚子林，沉積岩構成的峭壁，被流水刷練而成的卵石路，令我不時按下相機的快門

龍脊梯田， 如鏈似帶，層層疊疊，高低錯落，極為壯觀。

「青蛙一跳三塊田」，簡單形容了這裡的地貌.
龍脊的海拔不算很高,，在平安寨大概八百餘米, 最高的田頭寨亦只是一千多米, 站在遠處，杉，竹，松和灌木把山梁覆蓋得嚴嚴實實，有一種莽蒼，原始的感覺

睇少了低溫帶來的痛苦，瞓覺既地方亦只有0.2度，凍到入心入肺的感覺在這短短的兩天完全地感收了，睡前總會聽到旁邊的帥哥呻吟一番，與暴風女神搏鬥

係平安寨入住了阿蒙家， 留低了很深刻的印象，我一定會再番黎!!










熱氣蒸騰傲的農家菜, 有山荀腊肉，野菜鮮菇湯，炆紅薯(正)，城市價錢，但絕對鮮味，有人食得太多肚痛，證明好食到停唔到口





阿蒙家手工藝品，設計式樣全村比比皆是










阿蒙媽，在寨內的「大仙」，在平安寨無人不識，本為富農，但共產政府的分田制度令她損失慘重，樂天的性格，能夠將心比己，以客為尊，看透了世事無常，以壯族女子為榮，能操多國語言，好學不倦，心願係多一些客人來平安寨，認識佢地，就是這個意思~


撻皮明，老婆阿蒙係到煮竹筒飯，自己係到睇電視，取暖...





原來都有青春美女!!係平安寨既Countryside Cafe&Inn老闆LuLu唔係到(好彩)，如果唔係就見唔到此女子: 蘇婷，瑤族女子，能泡一手好咖啡，說話大方得體，夜晚睡前的幻想對象!!





廖阿蒙，(全寨都姓廖的)，煮一手極好味既地道農家菜(老鼠例外....)，不喜歡農村生活，因要揹石打米唱山歌，出城市河工作又唔開心，嫁左比個撻皮明，好灰









蔡繼敏(中)，潘秋菊(右)小朋友
係炭爐隔離抄功課，





夜晚圍住炭爐吹水


















行落大寨搭車離開龍脊，同蒙媽(左)大哨(右)合照



























大寨風光，有黑店，雖開發只有三年,，但一d都唔落後，起碼d村民會播<童話>(焚)機





「陽朔景緻甲桂林」，四圍都係老外，Cafe Lotus老闆LuLu，十分健談，此Cafe氣氛一流，仲有象棋玩，哈哈!!我贏左!!
之後仲掃左間Bar，B-52轟炸機機炸到Alex升仙











合共RMB7既早飯，有米線，白粥，湯圓，饅頭








沒有啤酒味既漓江啤酒魚&鴨，五個辣!!!原來要叫了漓泉啤後先有啤酒味..




樂極忘形的後果...

由陽朔行左八個鐘，去到興坪，LuLu介紹既熙園莊，當地已算係五星級，有暖氣，番茄雞蛋湯、芋頭腊肉同清蒸漓江魚都好好味，仲有饅頭熱豆漿做早餐! 要扣分既就係佢地會閉門燒炭取暖..
最後一日，由興坪行去楊堤，但中途上了一隻竹筏，既然全人手划足兩個幾鐘，收貴少少都算啦，但條賤人竟然未到楊堤就放我地落去，行十五分鐘就到?被騙了.. 行不特止，仲要比過路費，最終都要係大陸比一滾一鑊..




旅程既尾聲，番到桂林市，日月塔岩岩開燈，影左幾張相，豪食左一餐之後搭飛機走人
希望新年都可以去到旅行啦~