06第二擊馬來西亞神山之行

最頂幅相係Rafflesia，成個車軚咁大，都冇臭味既。
原來馬來西亞西亞係地理上分了東馬同西馬，係吉隆坡留了兩晚，中午熱到爆，夜晚落雨，住係Number Eight GuestHouse，好hip，6 bed mixed dorm 120港幣一晚，得一位加拿大女仔同房，已經爬左Mt. Kinabalu!!!
靜中帶旺，乾淨，花酒水壓夠力，半夜對面都有宵夜食，有ESPN睇，利物浦對車仔.. 右圖為大堂，值得推介!!










雙子塔原來叫Petrona Tower，係冇脚架既情況下，扭盡六壬影佢，樂透了個多小時












去Batu Cave，坐了一粒鐘熱狗，此野猴子好得意嗎?他監生強姦了Alex.....既果汁，好惡ga!!






兩晚都係街邊食飯，第一晚食魚頭+白夎飯+小麥草，第二晚食葡式燒魚+煲仔飯+啤酒......99年既Lonely Planet不可盡信...





被Alex評為(難飲)既椰子，四蚊個，都唔係咁差je..









陳氏書院，到此一遊...










好鍾意呢張手震相，係的士入面影既

















第三日終於黎到沙巴既Kota Kinabalu(阿比)， 處於世界第三大島嶼婆羅洲

同畫家，一對台灣情侶坐大飛出Pulau Manutik 浮潛，但落大雨，好彩冇帶部D50出去，Alex 有兩部機350D 同A75，後者真係耐用，濕晒加無數撞擊都唔壞.....












被好多魚圍住原來會驚ga!!一個沙灘仔都咁靓，想像唔到Sibadan呢個潛水天堂會靓成點...


















去完桂林一個月唔夠，又出發去馬來西亞，今次仲係走堂去，真係多謝我既至愛Alex

4 Feb 0245-0630 AK 51 Macau – Kuala Lumpur
6 Feb 0700-0930 AK 5102 Kuala Lumpur – Kota Kinabalu
10 Feb 1710-1940 AK 5109 Kota Kinabalu -- Kuala Lumpur
10 Feb 2230-0215 AK 50 Kuala Lumpur – Macau
實在太倉卒，即興旅行瀟洒得黎，係要付出代價，香港出發既機大部份都滿晒，要慳錢，唯有從澳門出發，坐Air Aisa







主菜到啦.!!神山
兩日一夜既旅程，出發前一晚識左一位香港人，阿石，係旺角盈壽司做師傅，(已幫襯左兩次!!正!!)佢好鍾意旅行，健談，很易相處，愛影相，上佳既同行者!!





我地既Mountain Guide，略懂英語，沈默寡言，生意失敗，為左養家，擔當導遊一職




第 一日，整條路線唔算難行(多餘既野可以放係headquarter，落山先拎番)，保留了原貌，又方便攀山者行，治途既一樹一花一草，都同香港唔同，最特 別當然係豬籠草啦，動物只有松鼠，一咪上山上同上山，不斷食各朱古力充飢，，朝早八點半由headquarter (~1900m) 經Mesilau行了九粒鐘(如果唔狂影相，可以快至少一兩個鐘)，五點半去到3200m 既Laban Rata Resort休息，





識到阿石，又幫我地影呢dsnap shot，太好了，多謝石師傅!!















影相絕對係其中一個重點環節!亦令到導遊等到唔耐煩，狂煲煙














































可憐既石師傳有輕微高山症，勁頭痛+嘔，但既佢意志力刻服左穿一切，十步一歇，成功登頂!!!























行左大半，當然要放低個十幾kg既市背竄囊，hea下啦





















途中有另一位香港人加入了，Tony(光頭個位), 好fit( ^.^)用六萬蚊(成副身家)週遊東南亞15個月，從我地一般人眼中，他是很古怪的，衣著都係，個人應為上天比佢住係香港，係玩弄緊佢，























老實講，見到resort一刻，比到山頂一刻更興奮，因為終於有野食啦!!!














未試過係咁高(3200m)到住，窗外係無敵雲海景，加地埋日落呢個Magic Hour，香港山頂既億萬豪宅都冇咁靚既景，天堂呀.......











































第二朝，一點半起身(我冇打錯字，你都冇睇錯! =.=....)食個早餐，出發行上4095.2m 高既Low`s Peak睇日出，中間呢位女士，住係日本既台灣人，個樣好似小丸子既嫲嫲..



呢段路唔可以玩玩下咁行啦，影少好多相，唔駛揹住個斷背背囊，方便好多，但摸黑上山，冇草冇樹，花崗岩又濕又滑，不時要拉住地下條大痳繩行上山，真係好危險








山頂前最後一個check point, Sayat-Sayat Point














出發前，係飛機問過Alex係山頂會唸起邊個人，大家都攪唔清，而家心裹有數吧..
登頂一剷刻，好平靜，沒有抵達Resort既興奮，有既係係感動，歇斯底里完成左一個目標真係好感動，尢其係山頂，覺得自己渺小得黎，又好實在活响呢個世界，好奇妙。











大約六點，成功登頂啦!!!!全東南亞最高峰!!睇唔到日出，都唔緊要啦，山頂異常地凍，頭髮結冰了..講唔到野，天氣變得好快，Mt. Guide不斷催促我地落山，第一次企係四千米以上既地方，冇高山症wor ^.^ 去西藏應該難唔到我啦!












4095.2m





冇呢條繩，上落山既難度一定倍增














上山容易落山難，我既大脾話我知這是對的..
























從山頂落番Resort歇一歇，寫左幾張postcard，之後用三個鍾就由Resort行番落Headquarter，今次行另一條路線，經Sipohon Gate





























7 日夾埋用左三千蚊到啦，已經好慳咁用，馬拉人大部份到好樂意幫遊客，但好多都有心無力，問路通常都叫你搭的士...暑假就到了，field trip冇得去Cyprus，去西藏都好好呀，至少經濟d，同有機去Mt. Everst既 basecamp(睇過唔少有關報導，唔係柴娃娃就去到 ga wor..Jonathon 吹水機會好高)